”Kodiröunan lugemižed”-konferencii vedetas online- da offline-formatas. Sil linneb viž sekcijad: ”Karjala sanas, tekstas, mel’kuvas”, ”Karjalan lidnad da rajonad”, ”Karjalan kul’turan jäl’genduz”, ”Lingvistižed oppindad”, ”Nimed Karjalan istorijas”. Konferencijale keradasoiš tedomehed, kul’turan da istorijan tedajad, opendajad da üläopenikad, kirjištoiden da muzejoiden radnikad da toižed oppijad Karjalan erazvuiččiš agjoišpäi, mugažo Suomespäi. Dokladoiden temad koskeba Karjalan nügüd’aigališt da enttušt istorijad, kul’turad, kelid, röunan tetabid eläjid.
— Konferencii tehtas kaikuččel vodel, minä ühtnen sihe ezmäižel kerdal. Minä ühtes Svetlana Jalovicinanke vaumičim dokladan sen polhe, kut Karjalas tehtihe rajonad vozil 1920-1930, sanub Karjalan Tedokeskusen Kelen, literaturan da istorijan institutan tedomez’ Zinaida Strogalščikova.
Konferencijan aigal linneb tehtud kehker stol – ”Karjalan mel’kuvad: sündund, meled, elo-ozad”. Kut männuzil-ki vozil kaik konferencijan dokladad planuitas panda inernetaha.