”Kipinä” praznuičeb Tedoiden päiväd lapsidenke

Kipinä-neičukaine vändab lapsidenke, miččed opendaba suomen kel’t. Kuva: Darja Švecova

Miše openduzvoz’ mäniži hüvin, tarbiž pidäda Tedoiden päiväd veslas. Tämbei Kipinä-kulehtesen radnikad oma suomalaiž-ugrilaižes školas, sikš lapsed voiba väta vepsläižehe vändoho, ozaita ozoitesid da tundištadas čomanke Kipinä-neičukaiženke.

— Mö tahtoim toda ilod lapsile necil päiväl, ved’ nece om tärged päiv lapsiden, opendajiden da vanhembiden täht, sanub Jana Filimonkova, Kipinä-kulehtesen pätoimitai.

Lapsed erazvuiččiš klassoišpäi openziba ühtes vepsän, karjalan da suomen keliden sanoid da veslas mänetiba aigad.