Kipinän tulijat lugijat opastutah ”Lumikellos”
Kalevalanpäivänny Kipinä-žurnualan toimitus kävyi kižuamah Petroskoin Lumikello-päivykoin lapsienke.
Hos lapset vastavukses Kipinänke oldih vie pikoi-pienet, ga täs Petroskoin päivykois n:u 20 karjalua opastetah ihan allus algajen. Nelli-viizivuodizet lapset jo tietäh äijän sanua vienankarjalakse.
— Enne meijän päivykois opastettih lapsile livvinkarjalua da suomie, nygöi vienankarjalua da suomie, livvinkarjalastu opastajua ei ole. Karjalua opastuu kaksikymmen lastu, opastajannu on Valentina Novos’olova, sanou päivykoin johtai Marija Volhonova.
Kipinän piätoimittai Jana Filimonkova saneli žurnualan tulieloile lugijoile sih nähte, kui luajitah žuarnualua, kummatti heidy, kui lapsien piirustetut čomazet puututah ihan žurnualan kanzikuvah. Sit lapset yhtes toimittajanke settitettih tyttii vienankatrjalazen naizen perindöllizih sobih. Oligo hälyy, kiistäi vallittih sobii, jogahine iče tahtoi panna tytin piäli pienii sobazii.
Jällespäi Jana opasti lapsii kižuamah memo-kižah, kudai oli painettu žurnualan tuhukuun noumeras. Se rodih lapsile ylen mieldykiinittäjäkse ruavokse.
