“Kipinän” mastar’paja radaškanzi Udeks vodeks

Tal’vkus “Kipinän” -radnikad planuičeba tehta mastar’-klassad toižiden-ki školiden openikoiden täht. Kuva: Jana Filimonkova

Tämbei “Kipinän” mastar’paja zavodi ičeze radon. Ezmäižin mastar’-klassale tuliba Petroskoin Suomalaiž-ugrilaižen školan 4. da 5. klassoiden openikad, kudambad opendaba karjalan da vepsän kelid.

— Ezmäi mö ühtes johtutim erasid sanoid vepsän da karjalan kelil. Sid’ tegim ozatelendkartaižen Udeks vodeks, starinoiči “Kipinän” pätoimitai Jana Filimonkova.

Kaiked mastar’-klassaha ühtni 12 last. Tal’vkus “Kipinän” -radnikad planuičeba tehta mastar’-klassad toižiden-ki školiden openikoiden täht.