Muigei vai magei on buolu? Kenbo eläy mečäs? Kuibo se on – olla nelländel? Nämmih da toizih kyzymyksih suat vastavukset tuorehen Kipinän lugiettuu.
– Uvves žurnualas luve Zinaida Dubininan mieldykiinittäi kerdomus sih nähte, kui Vit’a-brihačču ylen äijäl varuau lähtie nelländele. Zeizou tammi kaksitostu oksua -kirjutukses tiijustat, kui rodivui kalenduaru. Tiijustatgi, mittumii ozii oli ennevahnazil venehil da kui niilöi rakendettih. Kipinäs suat uuttu neruogi: opastut piirustamah kukkii, luadimah karjalazien perindöllisty syömisty – tönčöidy libo meštuu, luadimah kažii bumuagas, sanou lehten toimittai Ol’ga Smotrova
Kipinän toimittajat mustoitetah lugijoile, ku hyö yhyttäs Kipinä-30 -kilbah. Sih niškoi pidäy piirustua hyvittelykorti libo luadie hyvittelyvideo libo fotokuva armahale žurnualale da työndiä se toimitukseh.