Karjalas kuvatas muzikaline klip saamen kelel. Pajo, miččele kuvatas klip, nimitase ”Еллемь Кяйн", mi vepsän kel’he voib käta, kut ”Elon te”. Pajon sanoiden avtor om Evvan Sapmelash (Evvan Sapmelaš). Hän om tetab saamelaine pajatai, kudamb paksus ühtneb erazvuiččihe Venäman da Norvegian muzikaližihe festivalihe. Pajon muzikan kirjuti tetab Karjalas muzikant da prod’user Peter Coon (Piter Kun), hän tegihe necen-ki klipan prod’useraks da vändi läz kaik partijad necis pajos.
— "Еллемь Кяйн" - pajo om meiden elos, elon tehuden ecmižes. Nece linneb ezmäine mirus videoklip, mičces pajatb Kol’skijan nemen saamelaine, sanub ”Jousnen järved”-sebran pajatai Anna Jousne.
Anna mugažo ühtni neche muzikaližehe projektaha. Hän vändi pajos bas-gitaral da pajati tradicionaližel saamelaižel joik-pajatandladul. Kuvazi klipan tetab Piteriš ohjandai Aleksandr Rozanov, taidehohjandajan oli Melanja Rozanova, kudamb sai korktan opendusen Dizainan školas Britanijas.
Klip "Еллемь Кяйн"-pajole kuvatas Norvegijan Saamelaižiden sebran tugel. Toivotadas, miše kacujad voiškandeba nägištada klipad saamen kelel jo necin voden kül’mkun augotišes.
Uzištoid neciš temas voib lugeda mugažo venäks.