Karjalan viitoni: turistikeškuš valmistau uutta automatkua
Alovehen turistikeškuš panou käyntih uuvven yksipäiväsen turistiautomatan. Matka starttuau Petroskoista ta antau halukkahilla mahollisuon nähä Karjalan kaunehimpie ta erikoisimpie paikkoja yheššä päiväššä. Asiešta ilmottau Karjalan tašavallan piämiehen lehistöpalvelu.
— Karjalan viitoni -automatkah kuulutah Jäniksien jovenvarši -taito-objekti, Šampo-vuara -näköalapaikka, Venäjän vanhin Martsial’nije vodi -kurortti, Hirvas-luonnonmuistomerkki ta Kivačču-koški, kerrotah tiijotukšešša.
Matka on valmissettu näin, jotta nähä mukavimpie paikkoja ilman kiirehtä. Matkah voipi lähtie yksin, perehen tahi yštävien kera.
Reissun anšijošta matkuštamini Karjalua myöten tulou mukavammakši, a nähtävyöt tullah helppopiäšysemmiksi.
Matka on valmissettu Turismi ta vierahanvaraisuš -kanšallisprojektin rajoissa. Muista matoista Venäjyä myöten voipi šuaha tietya linkillä.
Aihiešta voit lukie niise šuomekši ta vepšäkši.
Yhty Oman Median MAX-kanalah!
