Karjalan rajapiirit ollah Ven'an kehityksen strateegien luvettelus
Karjalan halličus kehoitti luvetteluh tazavallan raja-alovehet — Louhen, Kalevalan, Mujehjärven, Lahdenpohjan, Suojärven da Sordavalan piirit da Kostamuksen linnanalovehen.
Strateegies erikseh on kiinitetty huomivuo Luodehpuolen federuallizen alovehen kehittämizeh da Karjalan tazavallan guazufikatsieh.
— Uvvistetun strateegien hyväksymine korrendau Karjalan tzavallan eläjien eländytazuo, sego auttau sellittiä huolestuttajat probliemat, kuduat koskietah meijän piirilöin kehittämisty, lujoittau Ol'eg Jermolajev, Karjalan ekonoumizen kehityksen ministru.
Karjalan ekonoumizen kehityksen ministerstvan mugah Ven'an halličus hyväksyi uvven Ven'an Federatsien alovehien kehittyksen strateegien 28. talvikuudu 2024. Strateegies on miärätty meijän valdivon kehityksen piämiärät da tavoittehet vuodessah 2030 da loitombazeh aiguvälih vuodessah 2036.
