Karjalan pämez’ andoi rindznaman vepsän kelen opendajale
Vepsän kelen opendajad Nadežda Petrovad pauklahjoitihe ”Opendelendan da kazvatusen arvostadud radnik”-rindznamal. Hän radab Petroskoin Suomalaiž-ugrilaižes školas Lönnrotan nimel 22 vot.
Nadežda Anatoljevna Petrova kazvati erasid vepsän kelen tundijoiden sugupol’vid. Kaik-se mugoine arvokaz pauklahj Opendelend- da kazvatuzministerstvalpäi tegihe varastamatomaks užištoks hänen täht.
— Olen ihastusiš, miše minun rad vepsän kelen openduses da kelen kehitoituses om muga korktas arvosteldud. Nece rindznam om minun radon sur’ satuz, – sanub Nadežda Anatoljevna.
–Tahtoin sanuda kitändsanoid kaikile, ked abutaba minei rados – minun kanzale, školan radnikkundale, kaikile vepsläižile, ked kaiken tahtol ühtneba minunke meiden ühthižtöhö, hän sanub.
Nadežda Petrova om äjiden vepsän kelen openduzkirjoiden tegii. Hän aktivižesti ühtneb erazvuiččihe openduzprojektoihe, tehleb ozuteluzurokoid Karjalan valdkundan školiden opendajile. Hänen openikad kaikuččen voden ühtneba lidnan da valdkundan kodikeliden olimpiadoihe, saskeleba niil lahjsijoid.
