Karjalan školih rodieu proofil’ukluassoi
Karjalan tazavallan školih luajitah vie 11 proofil’ukluassua. Nygöi Karjalas moizis kluasois opastuu enämbi 5,2 tuhattu hengie.
— Uvvennu opastusvuvvennu Karjalan školih avatah 11 uuttu proofil’ukluassua, kudamis ruvetah syvembäl opastamah hiimiedu, biolougiedu, fiiziekkua da matemuatiekkua, ilmoittau Karjalan opastuksen da sportan ministerstvu omassah VK-sivul.
Nygöi Karjalas ruadau 365 proofil’ukluassua, kudamis opastuu enämbi 5,2 tuhattu lastu. Paiči perindöllizii luonnontiijollistu, gumanitaaristu, sotsiualu-ekonoumiellistu da tehnolougiellistu suundoi, školis ruatah meedikku-, pedagougiekku-, inženieru-, kadeettukluasat, sego agrotehnolougiellizet da IT-kluasat.
Tädä ruaduo ruatah, ku lapset aijemba voidas vallita tulii opastus- da ruadotaival. Proofil’ukluassoi avatah Talant i uspeh -opastusfondan federuallizel kannattamizel.
Yhty Oman Median kanualah MAX:as!
