Karjalan 180 tuhattu eläjiä on rokotettu grippua vastah
Rokotus voibi suaja polikliiniekas da mobiilipunktois, kudamis on rokotettu enämbi 12 tuhattu hengie.
Karjalan tazavallan piämies andoi käskyn kiinnittiä erillisty huomivuo tervehyön- da opastusalan ruadajien rokotukseh. Sežo Artur Parfenčikov käski suurendua niilöin kohtien luvun, kus voibi suaja rokotus, luadie ližiä rokotuskohtua.
— Karjalas rokotusaijan algavuttuu rokotukset on suannuh enämbi 176 tuhattu hengie, niilöis enämbi 54 tuhattu lastu. Rokotukset suadih meedikkualan 95 % ruadajis da enämbi 85 % opastusalan ruadajis. Sežo myö luajimmo rokotuksii miehien check-up:an aigah, kuduadu piemmö tazavallan tuberkul’ouzudispanseran pohjal. Ligakuun 20.—31. päivinny 13.00—16.00 aigah Meedikkuinstituutan teoreettizen korpusan pihas (Krasnoarmeiskaja, 31 a) rubieu ruadamah linnan polikliiniekan n:u 2 rokotusmobiilipunktu, sanoi Karjalan piämiehen lehtistöpalvelule tervehyönministru Mihail Ohlopkov.
Sežo rokotusmobiilipunktat ruatah Lotos Plaza -kauppukeskukses (Lesnoi-prospektu, 47 a), Magnit-laukas (Rovion uuličču, 15 a) da Petroskoin valdivonyliopiston pihas (Gertsenan uuličču, 31 b).
