Karjalašša toimiu opaššušohjelma opaštajilla
Petroskoin yliopiston ta Opaštumisen kehityšinstituutin yheššä pitämän Vienan karjalan kurššin tehtävänä on karjalan kielen opaštajien pakinanerojen parentamini. Niise ohjelman aikana opaštajat šelvitetäh, mitein käyttyä uušie tietoja omašša ammatissa.
Kurššien kuuntelijiksi tultih karjalan kielen opaštajat Kalevalan ta Kemin piiristä, šekä Koštamukšešta ta Petroskoista. Opaššušohjelmašša on kielituntija šekä harjotteluja, kumpasien aikana tiijuššetah, mimmosie karjalan kielen oppikirjoja on, mit niistä voi löytyä internetissä, parennetah lautakirjojen käyttämisen neroja päiväkotiryhmissä ruatuas’s’a, kerrotah parhaimmista folklorin käytön keinoista kouluissa ta päiväkotiloissa.
— Ryhmäššä on opaštajie, kumpasien kielineroja on eri tašoilla. Ka heilä on käyttännöllisie keinoja ta kokemukšie, kumpasista hyö kerrotah toini toisella, šelitti Petroskoin yliopiston itämeren-šuomelaisen filologijan opaštaja Jevgenii Karakin.
Kurššija pietäh online-muuvvošša. Niijen järještäjinä ollah Petroskoin valtijon yliopiston ta Karjalan opaštumisen kehityšinstituutin spesialistija. Kurššie kannattau Kanšallisen ta alovehellisen politiikan ministerijö Kanšainvälisen kantakanšojen kielien vuosikymmenen ohjelman rajoissa.
