KareliaTri: Petroskois jälgimästy kerdua
Karjalan piälinnas 18.—19. heinykuudu pietäh viijes KareliaTri -sportufestivuali. Sen luadijoin sanoin mugah se rodieu jälgimäine.
Onieganjärven rannas kahten päivän aloh pietäh suuri perehpruazniekku linnalazih da Petroskoih tulluzih nähte. Viijendeh KareliaTri -sportufestivualih yhtyy enämbi 1 000 sportumiesty kogo Ven’alpäi. Kilbailemah ruvetah triatlonas da Skandinaavien kävelykses, valmistetah juoksut ruavahile da lapsile.
Olemas olendan aigah Karelia Tri -festivualis rodih Karjalale merkittävy pido.
— Suurel joukol myö valmistimmo sportupiduo, kuduadu korgiesti arvostetah. Jogahine, ken oli olemas KareliaTri -pivos ozanottajannu libo kaččojannu panou merkile pivon erinomastu ilmua. Kai se oli ristittyzien hyvyös, kuduat annetah omua lämmiä da energiedu. Tulgua da oppikkuattos iče, kerdou festivualin valmistajien joukkoh kuulujan Nikita Komissarovan sanoi Respublika-uudizientoimisto.
Yhty Oman Median kanualah MAX:as!
