Karjalan tašavallan kanšallisen ta alovehellisen politiikan ministerijön spesialistit pantih rattahilla mukavan flešmob-aktijon, min mukah tašavallan kaikilla eläjillä on mahollisuš pyörie kanšallisien pukujen kruugašša.
– Aktijon rajoissa pitäy ottua kuva, missä ois esitetty Karjalan vaikka min kantakanšan – karjalaisien, vepšäläisien, šuomelaisien, oneganiemiläisien, puudožilaisien, pomorien – puku. Valokuva pitäy julkaissa sosialiverkošša #КруугаКостюмов -heštegillä 21. heinäkuuta – 1. elokuuta välisenä aikana, kerrotah Ministerijön spesialistit omašša VK-ryhmäššä.
Flešmobin ošanottajan profiili pitäy olla auki, jotta järještäjät voitais kaččuo hänen kuvie. Šamoin pitäy vähäsen kertuo omašta puvušta.
Voittajie valitah avoiäneštämisen mukah, mi pietäh Ministerijön VK-šivulla 2.–5. elokuuta.