Karjalan piämieš Karjalan tilaštojen tietojen mukah kerto kanšalaisjärještöjen toiminnašta ta rahavarojen käytöštä.
Karjalašša nyt on 1320 kanšalaisjärještyö ta noin tuhat niistä šuorittau sosialista toimintua ta ratkaisou alan kyšymykšie.
— Vuuvven 2021 aikana Karjalan kanšalaisjärješšöt šuatih yli kakši miljardie rupl’ua toimintah. Rahua oli šuatu Venäjän ta Karjalan b’utžettiloista, henkilökohtasien ta kaupallisien järještöjen makšuja. Šen lisäkši kanšalaisjärješšöt annettih 2292 työpaikkua Karjalan eläjillä, ilmotti Karjalan tilaštolaitoš.
Vuotena 2021 kanšalaisjärještöjen palveluja ta apuo käytti noin 12 000 ihmistä. Sosialiprojektien hyvyönšuajina šamana vuotena oli 40 000 ihmistä. 82,4 % kyšytyistä ihmisistä ollah tyytyväisie järještöjen toiminnašta.