Petroskoin eläjad voiba mänetaba kaksʾ päiväd ”Kalevala”-eposanke. 25.-26. sügüzʾkud Karjalan pälindas mäneb ”Kalevala open”-festivalʾ. Programmas om äi melentartuižid vastusid da vändoid ”Kalavala”- eposan pohjal. Runopajatajiden voibištelend, ozutelused da kvestad oma melʾhe kut lapsile, muga aigvoččile ristiutile-ki.
― ”Kalevala open” – nece om projekt, mitte zavodihe vodel 2016. Nügüdehesai se radab i ozutab, miše ristituile om melentartušt sada tedoid Kalevalan polhe vändoiden abul, tundištadas eposan hengidenke, pagišta sen polhe. Nügüdʾ nece projekt möst zavodihe ičeze radod, sanub prjoektan ohjandai Irina Rinkevič.
Nece prjoekt om tehtud Karjalaižiden runoiden vodeks. Sen pätegend om siš, miše ozutada norištole, miše lugeda Kalevalad om melentartušt da tarbhašt.
― Meiden slogan om ”Lugekat Kalevalad. Nece om melentartuižemb, mi tundub”. Mö starinoičem Kalevalas aktivižes, melentartuižes formas norišton täht. “Pohod za Sampo”- stolvänd nece on meiden päsatuzʾ. Nügüdʾ om jo tehtud videovänd sen pohjal, homaičeb Irina Rinkevič.
Miše kirjutadas festivalihe, pidab kirjutada se ohjandajale Vkontakte- socialižes verkos.