Tänä vuotena tašavalta lisäsi Karjalan kaikilla piirilöillä 10 miljonie rupl’ua tärkeijen tehtävien ratkaisomiseh ta alovehen kehittämiseh.
— Männyt vihmani kešä toi ilmi starinanankertojan Marija Remšun talon propleman. Paikalliset eläjät šanotah taluo runonlaulajien musejokši. Vuosien kuluttuo istorijallisen talon katto lahosi ta alko vuotua. Monet tärkiet näyttelyesinehet ta koko rakennuš jouvuttih vuarah. Ka še on vältetty, kertou Kalevalatalo-etnokulttuurikeškuš poštaukšeššah Vkontaktešša.
Kalevalan piirikunnan hallinto löysi mahollisuon työntyä ošan niistä varoista korjauštöih starinankertojan Marija Remšun talošša. Rakennukšešša vajehettih katto, luajittih ikkunat lämpimiksi šekä rakennettih uuvvet lujat portahat ta rappuset.
Talo, missä 1920–1930-luvulla eli starinankertoja Marija Andronovna Remšu on avattu kävijillä vuuvvešta 1984.
Liity Oma Median MAX-kanavalle!