Kalevala-aiheini murali kaunistau Louhen kulttuuritalon oččašeinyä
Louhen pos’olkan kulttuuritalon oččašeinäh on ilmeštyn “Kalevalan” juonta kuvuaja murali, kertou Stolitsa na Onego -verkkojulkaisu. Muralin luatijat ollah Marija Nest’orkina ta Ivan Mahomet. Hyö ollah Permistä, ta heitä tunnetah pihataijon muailmašša.
— Piirruššuš pohjautuu Louhen, Ainon ta Väinämöisen kuvih. Šamoin muralissa on vuuvenaikojen ta vuorokaušien vaihon ideja — työ kuvaštau luonnon ta elämän kierroškulkuo pohjosešša, koroššetah luatijat.
Marija Marija Nest’orkina ta Ivan Mahomet ušein ruatah yheššä, ošallissutah eri projektiloih ta pihataijon festivaliloih. Omissä töissä hyö yhissetäh eri ratkaisuja: Marija käyttäy epätavallisie materialija ta tekniikkoja, a Ivan šyväšti smiettiy paikan kontekstista ta merkitykšeštä.
Viime vuotena hyö mualattih šeinie Petroskoin 3. ta 9. koulušša.
Karjalašša projektie toteutetah Nuoriso ta lapšet -kanšallisprojektin Aloveh nuorie varoin -ohjelman.
Yhty Oman Median MAX-kanalah!
