Kalevalan karjalaisen kanšailaisjärještön naiset lopetettih hiihtokauši hamehissa ta koštoloissa. Kaunehet valokuvat hyö julkaistih omašša VK-ryhmäššä.
– Meijän tarkotukšena oli ičen yrittyä, mitein ennein naiset, meijän ämmöt ta ämmöjen ämmöt hiihettih šemmosissa pukuloissa. Ta še oli oikein mukava! Tulijana vuotena myö tahomma pityä hamehhiihtokilpailut, kirjutti Uhut-šeuran VK-ryhmäššä känšalaisjärještön johtaja Valentina Kovalenko.
Hiihtämistä varoin eryähät naiset ommeltih hamehie etukäteh. Kaunehet valokuvat ta hiihtorekonstruointi miellytti sosialiverkon käyttäjie. Vuotamma, jotta enši talvena Kalevalašša pietäh toista šemmoista rekonstruointie ta vielä i löyvetäh vanhoja šukšie ta keppijä, jotta koristua toimenpivon ainutluatuisutta.