Kalarand möst vastsi adivoid
21.08.2021
Vepsän kul’turan praznik oli sirttud kezakuspäi pandemijan taguiči da ühtenzoittud Kaivajan päivänke.
Kalarand-praznikal ezitihe uz’ etnopark. Maria Košeleva
Tradicionaline Kalarand-praznik mäni Kalages 21. elokud. Vepsän kul’turan praznik oli sirttud kezakuspäi pandemijan taguiči da ühtenzoittud Kaivajan päivänke, mitte tobjimalaz mäneb Kalages kezan jäl’gmäižen sobatan.
Praznik oli omištadud vepsläižehe Kalag-küläha, udištadud Kalarand-etnoparkale da vepsläižiden kul’turale. Praznikal rahvaz kacui uzihe etnoparkan sauvotusihe, kundli koncertad, kus eziniba rahvahaližed sebrad, kudambiden keskes oli Vepsän rahvahaline hor, tundištihe vepsläižiden kul’turanke.
– Minä olen jo olnu ezmäižel Kalarand-praznikal da homaičen, miše praznik tegese kaik čomemba. Tämbei oma melentartuižed azjad kaikile, kut vanhembile, muga lapsile, - sanui praznikan abunik Tatjana Martjanova.
Kaivajan päiväks tehtihe kaivoiden voibištelendad da kaivajan radoiden ozuteluz.
POJAVAD KIRJUTESED
