Praznikmitingad mäniba Velliden kaumištoil Kalagen posadoiš: Kalages, Toižeges da Kaskezas. Külänikad kerazihe kaumištoile, miše panda änikoid velliden kaumoile da johtutada ühtenkülänikoid, kudambad kaičiba ičeze kodimad Suren Voinan aigan.
Velliden kaumištoile kerazihe külänikad, Kalagen külän pämez’ da administracijan radnikad, Veteranoiden da Deputatoiden nevondištoiden pämehed.
— Vägestada voinas voiba vaiše rogktad, hengel vahvad ristitud, kudambad navediba ičeze kodimad. Mö olem vägestusen jäl’gestajad, i meile pidab muštta siš, miše mö olem vastusenpidäjad meiden kodiman elo-ozas. Nece praznik om lujas tärged da znamasine meiden rahvahan täht. Mö kerazimoi tägä, miše völ kerdan johtutada meiden ühtenkülänikoiden urohontegendad da ozutada, miše mö
em unohtagoi necidä, sanui Kalagen školan pämez’ Svetlana Gotič.
Velliden kaumištoil eziniba Kalagen školan openikad. Hö lugiba runoid da pajatiba pajoid Voinas. Mäni Vaiknaline minut. Azjtego lopihe Kalagen kul’turpertiš, kus kaik tahtnikad voiba joda čajud da söda sirdändkeitimpolel keittud pudrod.