Jatkub pakičusiden otand toižele kaikenvenäman rahvahaližiden videoiden MÖ-konkursale.
— Konkursan pätegend om vahvištoitta Venäman rahvahiden kožmust da mugažo kehitoitta lapsiden, norišton da aigvoččiden videotegemižen mahtoid, - sanutas projektan oficialižel saital.
Konkursas om viž nominacijad. Ühteta sihe voiba kut navedijad, muga professionalad.
Konkurs kingiti Karjalan eläjiden homaičust. Männudel vodel ”Küükkä”-tätümul’tfil’m, miččen tehtihe Essoilan ”Lämoin kodihut”-animacijan studijas, mülüi ”Animacijan rolikad”-nominacijan šort-listaha.
Pakičused konkursale voib oigeta 31. päivähasai elokud. Konkursan vägestajiden nimed sanutas 4. kül’mkud.
Uzištoid neciš temas voib lugeda mugažo karjalaks, suomeks da venäks.