Om tehtud 2021. voden rahvahan kirjutamižen ühthevodod. Sen tedoiden mödhe Venämal eläjid vepsläižid tegihe 1249 mest vähemb, rindatades 2010.voden rahvahan kirjutamiženke.
Vodel 2010 rahvahan kirjutamižen mödhe Venämal eli 5936 vepsläšt. Kümnes vodes se lugu väheni 21%. Jäl’gmäižen rahvahan kirjutamižen tedoiden mödhe meiden mas eläb 4687 vepsläšt, heišpäi 2525 mest eläb Karjalas.
— Pidab kingitada homaitust sihe azjaha, miše 61,5 tuhad Karjalan eläjad ei znamoičend ičeze rahvahaut. Mugoine-žo situacii toižiš-ki Venäman agjoiš. Kaiked ičeze rahavahut ei znamoičend 16,6 millionad Venäman eläjad, sanub Vepsän kul’tursebran varapämez’ Zinaida Strogalščikova.
Mugažo uden rahvahan kirjutamižen tedod ozutiba, miše Piterin agjas eläb 951 vepsläšt, Piteriš – 291, Vologdan agjas – 513. Kaikes vepsläižiden lugumäraspäi enamba pol’t (2656) om lidnan eläjad.
Tärktemba kacta 2021. voden rahvahan kirjutamižen tedoid voib tägä.