”Jessoilu” rodih valdivollizekse
Karjalan halličus on ostanuh da suannuh valdivon omažuoh endizen Jessoilan souhozan. Tämä muatalovuslaitos nygöi kuuluu Märgiän plemsouhozah.
Enziallus tiä tahtotah uvvistua tilat vazoih nähte, sijoittua toizeh kohtas synnytysozasto da lypsylehmykarju. Maidotuottehii endizelleh rubieu luadimah oma maidozavodu. Kezäl uvvessah ruvetah niittämäh heiniä karjale omil niittylöil.
— Tiä kai on valmis ruadoh nähte: fermu on hyväs kunnos, on kai tarvittavat laittehet. On rahvastu, kuduat ollah valmehet ruadamah. Se on hyvä perustu alallizele ruavole da valdivonlaitoksen kehittämizekse, sanoi Karjalan piämies Artur Parfenčikov omale lehtistöpalvelule.
Mägriän plemsouhozan piälikön Jevgenii Sisol´atinan sanoin mugah pluanois on suurendua lypsylehmien kajua da lypsettylöin maidoloin suuruttu joga vuottu. Vuozien 2025 da 2027 välis roih säilytetty da luajittu 75 uuttu ruadokohtua, niilöin luvus maidozavodalgi.
Aihies voit lugie suomeksegi.
