“Järven randu”: uuzi projektu Veškelykses
15.01.2022
Veškelyksen Oma tulehmo -liitto pani rattahile Järven randu -projektan. Sen mugah pietäh karjalan kielen kursiloi da azetetah kyläh tiedolavvat.
Pakkaskuun 10. päivänny piettih enzimäine kieliurokku Järven randu -projektan mugah. Kuva on otettu Oma tulehmo -liiton Vkontakte-sivulpäi
Oma tulehmo -yhtymyksen Järven randu -projektu voitti Karjalan piämiehen grantan da sai 871 646 rubl’ua.
Projektan hantuzis Veškelyksen entokul’tuurizen keskuksen tyves jo ruvettih pidämäh karjalan kielen livvin murdehen algu- da jatkokursiloi. Kirjuttamah, lugemah da pagizemah omal kielel opastau Veškelyksen školan karjalan kielen opastai Oksana Serebr’annikova.
– Projektan hantuzis valmistetahgi da azetetah 103 pihalaudua karjalan da ven’an kielel, tiedolaudu, kuduas rodieu kylän kartu da histouriedu da yheksä tiedolaudua, kudualoih kirjutetah vahnoin huutoroin nimet, sanelou Oma tulehmo -liiton johtai Irina Pogrebovskaja.
Projektu todevutetah pakkaskuun 1. päiväs algajen kezäkuun 30. päivässäh 2022.
POJAVAD KIRJUTESED
