“Ikkuna pomorien muah” auttau tuttavuštuo kanšan kulttuurih
02.12.2020
Filmijä pomorien kulttuurista kuvatah Venäjän kulttuurišiätijön kannattaman projektin rajoissa.
Pomorien kulttuuri on ainutluatuni ta mukava. Ikkuna pomorien muah -nimisen projektin avulla šiihi voit tuttavuštuo videojen kautti. Kuva: Mihail Tretjakov
Ikkuna pomorien muah -projektie toteutetah Belomorskin piirissä. Še piäsi Venäjän kulttuurišiätijön projektien kilpailun voittajien luvetteloh. Kilpailu piettih XXI Venäjä-Šuomi kulttuuriforumin rajoissa.
– Projektin ideja šynty tämän vuuvven kevyällä, konša myö Belomorskin Haapavesi- yštävyškaupunkin kera keškuštelima tulijista projektiloista Venäjä-Šuomi kulttuuriforumissa. Myö valmissamma nellä filmie, yksi niistä on valmis ta šitä šuau kaččuo projektin YouTube-kanavalla, kerto projektin toteuttaja Mihail Tretjakov.
Enšimmäini filmi kertou pomorien perintehelliseštä ruuvvašta. Filmien šarjan tarkotuš on tuttavuštua kaččojie pomorien perintehelliseh kulttuurih.
POJAVAD KIRJUTESED
