Igähižiden rahvahiden päiväks kuluba runod vepsän kelel

Om tärged mel’dütoitta lapsid da norid ičeze rahvahan kul’turaha da kel’he, ezitatoiden jurihe da kodimaha. 6+ Kuva: ”Kodima”-lehtesen arhivaspäi

Igähižiden rahvahiden päiväks Piterin agjan Vidlan Vepsän fol’klorkeskusen radnikad oma tehnuded runokonkursan ”Kodima”. Sen pätegend om mel’dütoitta lapsid da norid ičeze rahvahan kul’turaha da tradicijoihe. 6-16-voččed lapsed erazvuiččiš agjoišpäi lugeba runoid kodikelel ičeze kodimas. Konkurs mäneb online-formatas. Se jatkub koume päiväd.

—   Kaiked konkursale oigetihe 40 pakičust. Konkursaha ühtneba lapsed Karjalaspäi, Vologdan da Piterin agjoišpäi. Hö lugeba runoid kut tetabiden vepsläižiden runoilijoiden, ozutesikš, N. Abramovan, O. Žukovan, A. Andrejevan, oma tundmatomad-ki meile avtorad, sanub Vepsän fol’klorkeskusen radnik Ol’ga Spirkova.

Ühthevedoid tehtas koumanz’päivän, a nügüd’ voib kacta videod Vepsän fol’klorkeskusen lehtpolel, kus lapsed čomin i surel armastusel ičeze kodimaha lugeba runoid.