Monen Karjalan piirin rahvaš keräyvyttih tänäpiänä Karjalaiseh kruugah. Perintehellisen aktijon keškipaikkana oli Kirovin aukivo Petroskoissa. Eri kanšojen etuštajat tultih tanššimah ta tuttavuštumah karjalaiseh vanhah tanšših. Tänä vuotena kruugan vetäjänä oli Andrei Anisimov.
— Tätä tanššie myö vuorotellen viettimä Natalja Kaširinan kera. Tänä vuotena häntä ei ole enyä meijän kera. Šentäh tahon omistua tämä tanšši hänellä, jotta hiän šieltä taivahašta kaččo meih ta hänellä oli ilo, kun myö šäilytämmä perintehie, šano Andrei Anisimov.
Tanššin aikana oli kerrottu mukavie tietoja tanššista. Ihmiset šuatih tuttavuštuo toini toiseh ta tervehtie vanhoja tuttuja, nähä eri kanšojen perintehellisie pukuja ta ottua kaunehie valokuvie muissokši.
Tapahtuman järještäjänä on Karjalan tašavallan kanšallisen ta alovehellisen politiikan ministerijö.