“Arktikan lapsed“-portalal voib tundištadas vepsän rahvahanke

Kuvid audiokirjoiden täht om tehnu pirdai Darja Hil’. 0+

“Arktikan lapsed“-portalal voib tundištadas vepsän rahvahanke da kelenke. Ei muga amu portalale oli pandud nel’l’ audiokirjad vepsän kelel, video-urokad, vändod da tedod vepsläižiden polhe. ”Vepsän rahvahan sarnad”, ”Nel’l’ dölod”, ”Itti-totti” i ”Virantanaz” – audiokirjad vepsän kelel voib kulištada portalal. Ližaks sigä voib löuta testad, vändod, tegendad erazvuiččil pohjoižen rahvahiden kelil.

― Minei om mel’t möto, miše mugoižil nügüd’aigaližil saitoil nügüd’ om tedoid vepsläižiden polhe. Mö tahtoim, miše enamba ristituid tedaižiba vepsän rahvahan polhe, sen kul’turas da keles. Nügüd’ portalal om äi materialoid 13 pohjoižen igähižiš rahvahiš. Om hüvä, miše niiden keskes om vepsän rahvaz-ki, sanub Vepsän kul’tursebran pämez’ Larisa Čirkova.