Apu rintamalla: Karjala lähetti tekniikkua ta laittehie
Tällä netälillä Petroskoista läksi kolme kuorma-autuo, kumpaset kuletetah apuo erikoisšotaoperatijon ošallistujilla. Karjalan eläjät, volont’orit ta kanšalaisjärještöjen jäšenet kerättih muanmiehillä noin 60 tonnie kuormua, muun muašša kulkuvälinehie, tekniikan šuojukšie, maskirointiverkkoja, pukuja, kuivattuo ruokua, juomisie, rakennušmaterialija ta generattorija. Asiešta kertou Respublika-uutistoimisto.
— Kuletamma kaikkie, mitä tarvitah meijän šotilahat. Ilman rakennušmaterialija on mahotointa pärjäta. Niitä kuormašša on šuurin oša. Vet rintama liikkuu, šotilahat šuoritetah rakennuštöitä. Ne kolme kuorma-autuo on koko Karjalan šuuri työ. Šiih ošallissutah piirit, volont’orijärještöt, ruamma yheššä hallišukšen kera, Karjalan lämpö -šiätijön varajohtaja ta 10. aloveh -volont’orijärještön johtaja Jelena Zez’ul’čik kerto “Respublikalla”.
Kuorma on kerätty Karjalan lämpö -šiätijön varoilla ta alovehen yritykšien lahjoista. Apuo lähetetäh Kurskin ta Belgorodin alovehella, Zaporožjeh ta Donetskin kanšantašavaltah.
Aihiešta voit lukie niise šuomekši.
Yhty Oman Median MAX-kanalah!
