“Zemskii kul’turradnik” -programm zavodihe Karjalas

“Zemskii kul’turradnik” -programman ühtnikad saba üks’kerdaižid maksmižid. Kuva: Jekaterina Golubnik

Karjalas zavodihe “Zemskii kul’turradnik” -programm. Nece programm om tehtud kul’turradnikoiden täht, kudambad lähteba radmaha Karjalan külihe da penihe lidnoihe — mugoižihe, miččiden eläjiden lugumär ei ole enamb, mi 50 tuhad ristitud.

— Programman ühtnikad voiba sada üks’kerdaižid maksmižid. Kul’turradnikoiden täht nece om arvokaz voimuz tehta ičeze panend kul’turelon kehitoitandaha Karjalan tahoiš, sanutas Karjalan pämehen press-službas.

Pakičuz ühtnemaha programmaha voib oigeta heinkun 15. päivähasai. Enamba programman polhe voib tedištada Karjalan kul’turministerstvan lehtpolel.

Uzištoid neciš temas voib lugeda mugažo karjalaks da suomeks.