Zavodihe Venäman rahvahiden tradicionaližiden vändoiden da bobaižiden konkurs
Ühtneda “Venäman rahvahiden tradicionaližed vändod da bobaižed” Ühthižvenälaižehe konkursaha voiba kaik tahtnikad. Konkursan tegijad kucuba sihe openduz - da kul’turorganizacijoiden tundijoid, sädaikollektivoid, norištod da üläopenikoid.
— Venäma om sur’ äirahvahaline ma, miččes kaikutte rahvaz kaičeb ičeze tradicijoid da kul’turad. Necen kul’turan üks’ kaikid tärktembišpäi elementoišpäi om rahvahan vändod, a mugažo ilotused da voibud rahvahaližil praznikoil. Om žal’, no nece vändkul’tur hilläšti lähteb meiden lidnoiden da küliden irdoilpäi. Meiden konkurs om omištadud necen jäl’gestusen kaičendale da sen popul’arizoitandale, sanuba konkursan tegijad internet-lehtpolel.
Pakičuz konkursale voib oigeta uhokun 15. päivähasai. Vägestajad lahjoitas. Kaik konkursan ühtnikad saba diplomad, a parahimad radod mülüba Ühthižvenälaižen konkursan lopmaterialoihe.
Uzištoid neciš temas voib lugeda mugažo karjalaks da suomeks.
