Zavodihe ”Lugem “Kalevalan” runoiden” -konkurs
Petroskoiš tedotadihe tradicionaližen ”Lugem “Kalevalan” runoid” -online-konkursan augotišes. Konkursaha voiba ühtneda 12-voččed da vanhembad üläopenikad, školiden openikad Karjalan, Udmurtian, Komin, Mordovian valdkundoišpäi da Tverin agjaspäi. Ühtnikoile pidab teta karjalan, vepsän vai suomen kel’t.
— Ühtnik valičeb lugemižen täht “Kalevalaspäi” 35–50 rivid. Konkursaha ottas ühtnikoiden ezitusiden videorolikad, sanutas Petroskoin valdkundaližen universitetan saital.
Konkursas om koume igäkategorijad: 12–15 vot, 16–23 vot, 24 vot da vanhemb.
“Kalevalan” runoiden lugemižen videorolikad ottas 2025.voden uhokun 22. päivähasai. Konkursan ühthevedod tehtas necen voden 20. keväz’kud.
Ližatedoid konkursan polhe voib tedištada Petroskoin valdkundaližen universitetan saital.
