2022 voz’ Karjalas om nimitadud Vepsän kul’turan vodeks. Se znamoičeb, miše meid varastab äi vastusid, festivalid da konkursoid. Voden avaiduz mäneb vilukus vepsläižes Šokš-küläs.
Karjalas voden programmad vaumičeb Vepslän kul’tursebr ühtes Karjalan rahvahaližen da regionaližen ministerstvan radnikoidenke.
― Planoiš om 17 azjtegod vodeks, päazjoišpäi, miččed planuitas pidäda Vepsän kul’turan voden aigan, oma sur’ vepsläine konferencii Šoutjärves i Petroskoiš da openduzsessii vepsän kelen opendajiden täht, sanub rahvahaližen da regionaližen ministerstvan radnik Evgenia Šustova.
Vepsän kul’turan kaičendale oigetud azjtegod mäneba Suomes-ki. ”Juminkeko”-fond mugažo planuičeb vastusid da azjtegoid, meččed om omištadud vepsän rahvahan kul’turaha. Vepsän kul’turan voz’ pidetas kerdan kümnes vodespäi 1992.