Yli 29 000 Karjalan eläjyä iänešti kunnoššukšešta

Segežan Puistikko on jo šujuvašti ošallistun iäneššykšeh, ta šen kunnoštamini on jo alotettu. Kuva: Karjalan tašavallan piämiehen lehistöpalvelu

Koko muašša vietetäh Yleisvenäläistä iäneššyštä kunnoššettavista alovehista. Šiih ošallistuu 95 yhteiskunnallista alovehta. Niillä, kumpaset šuahah eniten iänie, vuotena 2027 annetah federalisie varoja kunnoštamiseh Infrastruktuuri elämyä varoin -kanšallisprojektin rajoissa, kertou Karjalan tašavallan piämiehen lehistöpalvelu.

— Täh aikah yli 29 000 henkie iänešti, ta joka kaupunkissa tahi posolkašša on ieššä olijie alovehie, lehistöpalvelu ilmottau tiijotukšešša.

Petroskoissa ieššä on Urheilijien Kävelykuja. Toisella paikalla on Patriotti-puisto. Kolmannella paikalla on Kiillehtehtahan Puistikko, ta šen kilpailijana on Kivini Männikkö -puisto.

Kontupohjašša ieššä ollah skeittikenttä Neuvoštojen kavulla ta OnegoBasket-urheilutila Leninin aukivolla.

Segežašša johtau Puistikko Vig-hotellin luona. Še aloveh on jo šujuvašti ošallistun iäneššykšeh, ta šen kunnoštamini on jo alotettu.

Kunnoššettava aloveh voipi valita zagorodsreda.gosuslugi.ru-palvelun kautti.

Aihiešta voit lukie niise šuomekši.

Yhty Oman Median MAX-kanalah!