Periodikan taloih adresil Petroskoi, Titovan piha, 3, avavuu rahvahanluguhpanon punktu. Se rubieu ruadamah joga päiviä 10.00 – 19.00 aigua kylmykuun 14. päivässäh.
– Kučummo kaikkii, ket vie ei yhtytty kogo Ven’an rahvahanluguhpanoh, “Periodikah”. Tulgua iče da kučukkua toizii, rahvahanluguhpanon tuloksien mugah suammo tiediä, äijygo on Ven’al meidy, karjalastu, vepsälästy da suomelastu, sanou Periodika-julguamon johtai Natalja Sinitskaja.
Mustoitammo, ku yhtyö kogo Ven’an rahvahanluguhpanoh voibigi yhtehizen call-keskuksen kauti 8-800-200-62-11, Gosuslugi-internet-portualan kauti, lähäl olijois harvahanluguhpanon kohtis, Lotos Plaza-, Sigma-, CSK-, Lenta, Leroymerlin-, Tetris da Maksi-laukkukeskuksis Petroskois libo voibi ottua vastah rahvahanluguhpanijan ristikanzan omas kois. Pamdemien ololois vastata rahvahanluguhpanijan kyzymyksih voibi avuamattah veriädy.