XXII Giperboreja oli omissettu starinoilla

XXII Giperboreja oli omissettu starinoilla

13.02.2023
Giperboreja-festivali piettih Petroskoissa XXII kertua. Tänä vuotena festivalin teemana oli starinojen, bilinojen ta legendojen šankarit.
Jiäveššokšien kilpailušša piälahja myönnettih Kuolomatoin Koščei -veššokšella (Piiteri, T’umen’). Kuva: Uljana Tikkanen
Jiäveššokšien kilpailušša piälahja myönnettih Kuolomatoin Koščei -veššokšella (Piiteri, T’umen’). Kuva: Uljana Tikkanen

Männyönä netälinloppuna Petroskoin rantakavulla šai nähä vetehistä, voimamiehie, kultaista kalua, hyvie ta pahoja šankarie. Jiä- ta lumiveššokšien festivali “Giperboreja” on ihmehellisih kaupunkitapahtuma. Tänä vuotena valittu teema lisäsi festivalilla taikua.

— Netälinloppuna yli 15000 vierašta oli rantakavulla. Jiä- ta lumiveššokšien ulkoilmanäyttelyn valmistamiseh ošallistu 87 muasterie. Hyö luajittih 10 veššošta lumešta ta 20 jiäštä. Oli käytetty 66 tonnie jiätä ta 35 kuutijuo lunta. Festivalin keškitapahtuman lisäkši oli järješšetty konsertti, leikkien ta huvitukšien ohjelma, šanottih Petroskoin hallinnošša.

Festivalin piälavalla piettih Kulaset veräjät -konserttiohjelmua. Kalaštajat voitih ošallistuo jiäkalaššuškilpailuh, lapšie varoin oli äijän kisoja ta leikkie, perehet ta yštävät voitih ottua valokuvie muissokši erikoisissa valokuvapaikoissa.

Kiži-musejo perintehellisešti järještäy rikašta ohjelmua. Musejon ruatajat joka kerta kekšitäh mitänih uutta huvitušta, tällä kertua šai pelata šuureh meritaisteluh. Puukenttä pelie varoin luajittih restaurointiošašton opaštujat.

Vielä yhtenä uuvvissukšena oli “Jiäveštäjien koulu”. Šen 50 opaštuja festivalin kynnykšellä opaššuttih veistyä jiäštä. Ruavon tuloš oli esitetty Neuvoštoaukivolla.

Perintehellisešti lumiveššokšien kilpailušša on kakši nominatijuo, ka tänä vuotena šiä vaikutti kilpailuh ta järještäjät jätettih vain yksi nominatijo.

— Lumiveššokšie tänä vuotena luajittih eri tašon opaššušlaitokšien opaštujat, kumpaset opaššutah kuvataituo. Yhteh lašettuna kymmenen veiššošta luati 84 henkie, šanottih kilpailun järještäjät.

Lumiveššokšien kilpailušša Pieni kuutijo -nominatijošša voitti joukko Kontupohjašta, Dimkovon kuklani -veššoš.

Jiäveššokšien kilpailušša piälahja myönnettih Kuolomatoin Koščei -veššokšella (Piiteri, T’umen’), 1. tašon diplomin ta palkinnon šai veistäjien joukko Nižnii Tagilista, “Kolmannen kerran hiän heitti nuotan”.


Aihiešta voit lukie niise šuomekši.


ПОХОЖИЕ НОВОСТИ
Karjalan Sanomat
Maailman TOP99 nähtävyyttä – Eremitaaši on parhaiden joukossa
Unkarin parlamenttitalo on ensimmäisenä maailman nähtävyyksien rankinglistalla.
Oma Mua
Šuihkulähtiet: uuši paikka perehlevolla
Petroskoissa šuunnitellah järještyä uuši paikka urheiluo ta lepuo varoin.
Karjalan Sanomat
Kohdeohjelmat Karjalassa – Kunnostushankkeisiin on myönnetty 200 miljoonaa ruplaa
Suurin osa rahoista käytetään paikallisten aloitteiden tukiohjelman toteuttamiseen.
Karjalan Sanomat
Investointihankkeet: Karjalassa avataan 10 000 työpaikkaa vuoteen 2030 mennessä
Tänä vuonna tasavallassa aletaan toteuttaa 25 investointihanketta.
Karjalan Sanomat
Teatterifantasiat: Tunnettu saksofonistien kvartetti esiintyy Petroskoissa tänään
Konsertin ohjelmisto tarjoilee harvinaista herkkua, Rossinin ja Piazzollan, Bizetin ja Hatšaturjanin, Straussin ja Mercuryn teoksia.
Kodima
Uden Venäman projektan aigan tehtihe videorolikad Karjalan igähižiš rahvahiš
Venäman Rahvahiden azjoiden federaline agenstv tegi ”Audiovizualine Venäman rahvahiden enciklopedii”, miččen pätegendan om starinoita igähižiš rahvahiš.
Karjalan Sanomat
Budjettimuutokset: menot kasvavat kahdella miljardilla ruplalla
Karjalan tasavalta on saanut Venäjän budjetista yli miljardi ruplaa apurahaa lisää.
Karjalan Sanomat
Kulttuuri-kansallishanke: Uudet soittimet ja laitteet hankitaan taidekouluihin
Kyseessä ovat Petroskoin Sinisalo-musiikkikoulu, Kemin piirin lasten taidekoulu ja Prääsän piirin kansallinen Kalaberda-taidekoulu.
Войти
Регистрация
Пароль
Повторите пароль