Vuvvennu 2026 Bereg-fourumu pietäh Arktiekan alovehel
Tulien vuon Karjalan piämiehen kehoitukses alguh pandu Bereg-fourmu pietäh Arktiekan aloveheh kuulujis tazavallan piirilöis. Piduo valmistetah kanzallizen Nuorižo da lapset -projektan Aloveh nuorih nähte -programman hantuzis.
Bereg. Pomorje -fourumal nuoret tiijustetah oman rannan histourieh da kul’tuurah nähte, sežo kehoitetah omua nägökulmua Arktiekan alovehien sotsiualu-ekonoumizeh kehittämizeh.
Tämänvuodehizen fouruman avajazis Artur Parfenčikov vihjai, ku Bereg kiinnittäy nuorien mieldy, andau uvvet mahtot idejoin todevuttamizeh.
— Myö voimmo ylbeillä karjalazien nuorien voittoloi. Tärgevin on, ku Bereg andau mahton yhtyö, paista, kiistiä — sit on fouruman tärgevin tavoiteh, andau tieduo Karjalan tazavallan nuorižopoliitiekan haldivo. Fouruman piendiä kannatetah Karjalan halličus, Nuorižoazieloin federualline agenstvu, Karjalan nuorižopoliitiekan haldivo, piirilöin haldivot, paikallizet aktivistat da ekspertat.
Erinomastu huomivuo tulien vuvven fourumas kiinnitetäh Kemi-Belomorskan aglomeratsien tulieh aigah. Nuoret sellitetäh sen potensiualua sotsiualua-ekonoumizen da turizman kehityksen kauti.
Nuoril kyzeltäh, kui pidäy kehittiä sotsiualuinfrastruktuurua da Valgien meren rannikol olijoi linnoi da niilöin ymbäristyö. Suaduloi tiedoloi käytetäh Karjalan tazavallan programmoi valmistajes da piätöksii hyväksyjes.
