Vuuvven alušta yli 150 teini-ikäistä on šuatu työ
Vuuvven 2026 alušta 150 työnantajua on tarittu noin 1700 työpaikkua teini-ikäsillä. Niitä juatah rippuon työnantajien tarpehešta vuuvven aikana, kertou Karjalan tašavallan työ- ta työššäolohallinto.
Enšimmäiset koululaiset Kontupohjan piiristä on lopetettu ruato 3. koulušša. Nuoret šuoritettih valtava miärä töitä koulun šiämeššä ta laitokšeh kuulujalla alovehella.
— Enšimmäini työkokemuš kollektiivissa, työpäivän järještämini ta tehtävien luatimini on tosi tärkie. Mieleštäni joka teini-ikäni on meijän tuattu kaaterireservi. Tänä vuotena Karjalan työššäolovirašto toteuttau Venäjän työministerijon alottamua Reitti on rakennettu: Elä, opaššu ta ruavo Karjalašša! -projektie. Teini-ikäsie autetah šuaha työn koulutettuna nuorena spesialistina, lainuau Työ- ta työššäolohallinto oman johtajan, Miun urani -projektin kurattorin Jelena Frolovan šanoja.
Alla 18-vuotisilla ruatajilla makšetah palkkua ottuan huomijoh työpaikan lyhennettyö aikua työššäolon pituvuon mukah tahi rippuon tuotannošta. 14—15-vuotini teini-ikäni voipi tienata vähintäh 19 000—27 000 rupl’ua rippuon piiristä ta työajašta, 16—17-vuotini nuori voipi tienata 28 000—40 000 rupl’ua.
Mahollisien ruatajien ta työnanantajien pitäy kiäntyö Kaaterikeškukšien ta Karjalan tašavallan ylioppilahien työtoimiston puoleh.
Aihiešta voit lukie niise šuomekši.
Yhty Oman Median MAX-kanalah!
