Vuokkiniemen Mujehfestivali toi iluo kaikilla
9.–10. šajekuuta Vuokkiniemeššä piettih šuuri kalafestivali. 13 joukkuo kilpailtih keškenäh, ken enempi šuau mujehta ta šen mähnyä, ken ruttosemmin ottau kalat verkoista ta puhistau ne. Voittajakši tuli Šeppä-joukko, toisella paikalla piäsi Masl’ata-joukko ta kolmannekši tuli Pereh-joukko.
- Mie ošallissuin kilpailuh enšimmäisen kerran. Vesi on vielä liian lämmintä, šentäh mujehta ei kovuan äijän ollun. Mie tiijän, miten valita paikka verkoikši, šentäh meijän joukko ni šai kaikešta enemmän kalua – kerto kalaššuškilpailun voittanuon Šeppä- joukon jäšen.
Festivalih tuli äijän vierahie. Erikoisena tähtivierahana oli Alla Mihejeva, näyttelijä ta TV-ohjelmien vetäjä. Neičyt šatamanruttoseh šiirty yheštä kyšyttäväštä toiseh. Muhija ta kirkaš Alla veti luokšeh kuin lapšie, niin ni aikuhisie.
Paičči kilpailuo oli järješšetty äijän mukavie toimenpitoja. Fire Cats (Tulikiššat) -ryhmä näytti kaunista, kirkašta esityštä Kuittijärven rannalla, oli esitetty perintehellisie karjalaisie käsitöitä, šyömisie ta folklorie.
Vuokkiniemiläiset toivotah, jotta festivali tulou perintehellisekši. On kallista še, jotta pruasniekka kiinnoštau eri-ikäsie ihmisie, še auttau šäilyttyä karjalaisen kylän ainutluatuista erikoisutta ta tuuvva šiih nykyajan vereštä puhallušta.
Lisyä lukekkua täššä.
