Vottovuara-kanšallispuistošša käynti on tullun makšullisekši
Vuuvven 2026 1. päiväštä Vottovuaran-kanšallispuistošša käynti tuli makšullisekši. Niillä yksityishenkilöillä, ket eletäh puiston rajoih kuulumattomissa paikoissa hinta on 300 rupl’ua, ilmottau Vottovuara-kanšallispuisto poštaukšeššah Vkontaktešša.
— Varat männäh ekopolkujen ta lepotilojen kunnoštamiseh, infrastruktuurin ylläpitoh, tietotutkumukših ta ekosistemien kunnon tarkaššukšeh, alovehen šuojeluh ta tarkaštajien ruatoh, ekologiseh šivissykšeh ta uušien reittien luatimiseh, kanšallispuisto šelittäy.
Käyntilupa on pakollini. Jotta šuaha šen pitäy täyttyä lyhyt malli Vodlajärven kanšallispuiston saitilla. Šen jälkeh lupa tulou šähköpoštiošoittehella. Šitä pitäy näyttyä tarkaštajalla.
— Lupa on voimašša vain još on merkintä makšušta tahi huojennukšen tovistamini. Lupa on makšettava vain šen jälkeh, kun teijän anomuš on muokattu, tiijottau Vottovuara-kanšallispuisto.
Aihiešta voit lukie niise šuomekši.
Yhty Oman Median Telegram-kanalah!
