”Voiton juna”: viizi päiviä Karjalas
Karjalan tazavallas 23.—27. oraskuudu rubieu ruadamah muzei ”Voiton juna”. Raudutieazemale juna tulou 25. oraskuudu da rubieu seizomah piälinnas oraskuun 27. päiväh suate. ”Voiton juna” azettuu Kemin linnah 23. oraskuudu da Belomorskah 24. oraskuudu.
Kemis da Belomorskas vuotetah rahvastu muzeidu kaččomah 10.00—18.20 čuasun aigah. Petroskois muzei rubieu ruadamah 25. oraskuudu 11.30—18.20 čuasun aigah, 26. oraskuudu 10.00—17.20 čuasun aigah.
— ”Voiton juna” on ainavoluaduine tavallizeh junah sijoitettu ozuttelu, kuduas jogahine tundou histourieh syvendymisty. Junan 10 vagonua ollah omistettu Ižänmuallizen voinan eri tapahtumile. Histouriedu ”elävytetäh” nygyaigazien tehnolougieloin vuoh, ilmoittau Karjalan haldivon virralline saitu.
Suaja muzeilippu voibi ilmai projektan saital täs.
Voiton juna -projektua todevutetah ”Nevskii batalist” da mediajoukko ”Krasnii kvadrat” Ven’an opastusministerstvan, Ven’an ruadutiet -laitoksen da Volont’ori Pobedi -liikkehen kannatuksel.
Ozuttelu oli avattu vuvvennu 2020 ligakuus. Sih aigah ozutteluu käi kaččomah enämbi 1, 48 miljounua hengie Ven’al, Abhaazies da Valgoven’al.
Yhty Oman Median kanualah MAX:as!
