Voinuveteruanoin päiviä ruvetah pidämäh 1. heinykuudu
Karjalan Zakonoinhyväksyndykerähmö hyväksyi Karjalan haldivon da deputuatoin yhtehizen alguhpanon — Voinuveteruanoin päivän piendän.
Tädä päiviä pietäh Ven’an alovehil 1. heinykuudu vuvves 2009 algajen. Ga federuallizel tazol se vie ei ole hyväksytty virrallizesti. Tämän päivän virrallizekse mustopäiväkse nimittämizeh nähte jogahine Ven’an subjektu piättäy iččenäzesti.
— Sih luaduh ruattih Komin tazavaldu, Sankt-Peterburg, Moskovan, Piiterin da Kirovskan alovehet, kirjuttau omassah VK-sivul Karjalan piämies Artur Parfenčikov.
Heinykuun 1. päivy rodieu vie erähänny mustopäivänny, konzu jogahine suau kumarduakseh meijän muan puolistajile — veteruanoile, erillizeh voinuoperatsieh yhtynyzile, mustoittua niidyl, kedä ei ole rinnal.
Aihies voit lugie suomeksegi.
Yhty Oman Median kanualah Telegramas!
