Voinanaigastu Petroskoidu suau nähtä Moskovan ozuttelus
Petroskoin linnu on enzimäine 47 voinukunnivon linnoin joukos, kudamien histouriedu enitetäh Moskovan ozuttelus Urhotevon muzeis. Sidä suau nähtä Kanzallizen talovuon suavutuksien ozuttelus.
— Ozutteluvehkehet, vahnat kuvat, dokumentukinot, 18 ozutusstendua. Kai net kerrotah Voiton 80-vuozipäiväs da Karjalan nemsois da suomelazis vihaniekois piästämizen 81-vuozipäiväs. Sidä merkipäiviä piimmö 30. syvyskuudu, kirjutti Karjalan piämies Artur Parfenčikov omassah VK-sivul.
Moskovas suurimas ozuttelus suau tiijustua meijän linnan urhotevos, sen eläjis da vihamiehis piästäjis, suomelazis vangiluagerilois.
Voinukunnivon linnan nimen Petroskoi on suannuh Ven’an prezidentan käskyn mugah 6. sulakuduu 2015. Meijän linnah nähte kerdoi ozuttelu rubieu ruadamah ligakuun 12. päiväh suate. Sen jälles ozuttelu tuvvah Petroskoih.
