Voden 2026 valičuzkampanii – rahvahiden kelil!
Vodel 2026 Karjalad varastab ani sur’ valičuzkampanii. Valdkundan valičuzkomitet jatkub äivottušt tradicijad — änestamižen päivil Karjalan igähižiden vähäluguižiden rahvahiden ezitalijl linneb voimuz sada tarbhaižid tedoid karjalan da vepsän kelil. Muga linneb kaikuččel valičuztahol, tedotadas Karjalan ravahaližen da regionaližen politikan ministerstvan oficialižel VKontakte-lehtpolel.
Materialoiden kändmižen vaumištamižehe ühtneb Karjalan Valdkundan termišt-orfografine komissii.
— Meletan, miše nece om ani tärged azj. Rahvahiden ezitajal tariž olda voimuz tundištadas kandidatoidenke ičeze kelel, se om heiden oiktuz. Ku tahtoim, miše keled kehitoitaižihe, ka kaikiden tärktoiden aigtegoiden tedotuz pidab antta rahvahaližil kelil, sanui “Oma Media” -portalale Karjalan Valdkundan termišt-orfografine komissijan ühtnik Galina Baburova.
Mugažo kaik tarbhaižed tedod kandidatoiš kahesanden kucundan Karjalan Zakonoiden tegendan suiman deputatoihe kätas karjalaks i vepsäks da paindas plakatoil.
Uzišt neciš temas voib lugeda mugažo karjalaks.
Tarkištele "Oma Median" Telegram-kanalad!
