Vilgas kazvatetah 20 tuhattu t’ul’panua
Vilgu-siemenkeskus valmistuu keviän aigah. Taimenkazvatushuonuksis kukitah gollandien t’ul’panat. Enzimäzet halvazet jo avavuttih, ga enimät kazvit puhketah kukkah rahvahienvälizekse naizienpäiväkse.
Gu väliaijas siemenkeskuksen tilat ei oldas tyhjät, luajittih tilakas jiäškuappu da ostettih t’ul’panoin gollandien siemendy. Karjalan piämies Artur Parfenčikov arvosti projektan da pidäy sidä hyvänny alguhpanonnu. Vuvvennu 2025 kazvatettih da myödih enämbi 12 tuhattu t’ul’panua.
— Tänä vuon piätettih suurendua kukkien miäry. Nygöi teplitsoih on pandu muah 20 tuhattu t’ul’panua kolmie luaduu. Täytty kukindua vuotetah 8. kevätkuudu, ilmoittau Karjalan haldivo.
Kukkienkazvatanduprojektu avuttau Vilgu-siemenkeskuksele ruadua ymbäri vuvven. Keviäl, kezäl da sygyzyl sie kazvatetah pedäjän istutestu, talvel – čomii t’ul’panoi.
Kukkien myöndäh nähte voibi tiijustua Karelleshozas tel: 8 (814-2) 57-42-95.
Aihies voit lugie suomeksegi.
Yhty Oman Median kanualah Telegramas!
