Vil’l’ois da Karjalan toizis uardehis
22. sulakuudu, karjalan da vepsän kielen nedälin hantuzis da Kipinä-žurnualan 40-vuozipäivän kunnivokse “Kipinän” toimittajat da Suomelas-ugrilazen školan 5. V-kluasan opastujat piettih vastavus.
Täl kerdua “Kipinän” toimittajat tuttavutettih karjalan, vepsän da suomen kieldy opastujii lapsii vil’l’oih, kudamat kazvetah Karjalas, Karjalan perindöllizih syömizih, ristittyzih da nähtävyksih. Uuzii tiedoloi lapset suadih kolmel stansiel: Vil’l’a-aitta, Memo-kiža da Sada sanua Karjalas -stolakiža.
— Meijän tehtävänä on yhistyä šuurimat ta jauhot vil’l’oin kera, kumpasista ne on luajittu, miäräi ruavon žurnualan toimittai Maikki Remšujeva.
Lapset mielihyväl kerrottihgi, mittumua kuaššuu hyö suvaijah, monet suvaijah eri kuaššoi, yksi vai tyttöine sidä ei syö nivouse.
Lapset maltettih sanuo eri kielil kebjiembazii sanoi: kala, ilves, kodi, meri.
Moizet vastavukset annetah hyviä mieldy da uuttu tieduo lapsile, lapsienžurnualan toimittajile — ellendysty, mittumii materjualoi maksau keksie, da mittuine kielinero on nygözil lapsil.
Yhty Oman Median kanualah MAX:as!
