Vieljärven souhozu täyttäy 70 vuottu
Tänä vuon kevätkuus tazavallan vahnimii muatalovuslaitoksii olijal Vieljärven souhozal en merkipäivy. Vuvvennu 1956 Vieljärven kyläh luajitun souhozan perustakse roittih mašintraktorustantsii da kolmetostu rinnal olijua kolhozua.
Seiččemeskymmenes vuvves laitos meni pitkän taibalehen. Souhozan enzimäzet vuozikymmenet tarvittih ruadovägie. Vieljärven souhozas ruadoi kuulužu lypsäi Anna Zasekova. Vuvvennu 1966 korgielois ruadosuavutuksis naine sai Sotsialistizen ruavon urhoin nimen. Eri vuozinnu korgiet valdivon palkindot suadih äijät souhozan ruadajat.
— Tänäpäi Vieljärven souhozu on kehittyi laitos, kudai ruadau Vieljärven da Priäžän mualoil. Sen ruadotulokset ozutetah miärätyn kehityskursan oigevuttu: vuvvennu 2025 laitokses on suadu 5 tuhattu tonnua maiduo, sie on enämbi 1400 sarvipiädy, niilöis luvus 800 lehmiä, ilmoittau Karjalan haldivo omassah virrallizes saital.
Karjalan mua- da kalatalovuon ministerstvu pidäy silmäl suurdu investitsiiprojektua — Priäžäh nostetah enzimästy Karjalas roobottumaidofermua, kuduas rodieu 1200 lypsylehmiä. Tämän projektan todevuttamine andau mahton korrendua ruadotulokset da ruavon hyövyn. Täkse päiviä objektal on luajittu rakenduksien alužimet, azetettu metallurungot da vietty ulgopuolizet inženieruverkot.
Aihies voit lugie suomeksegi.
Yhty Oman Median kanualah Telegramas!
