Vieljärven souhozas uvvet tilat vazoile

Vieljärveh vazoile ostettih tovellizet ”kezämökkizet”. Niilöis pietäh kolmin-nellin häkkizin libo lehmyvazoin. Kuva: Karjalan tazavallan piämiehen lehtistöpalvelu

Priäžän kyläs vazoi laskietah lämmäl aigua erinomazeh luaduh luajuttuloih aidazih. Lehmyvazat da häkkizet ollah ilmal, enämbän lekutah, mi on hyvä niilöin kazvole da tervehyöle.

— Moizis ololois vazat päiväs kazvetah keskimiärin kilol, sanoi Vieljärven souhozan piälikkö Jurii Truš Karjalan tazavallan mua- da kalatalovuon ministerstvan lehtistöpalvelule.

Souhozan Vieljärven tiloih vazoile ostettih tovellizet ”kezämökkizet”. Niilöis pietäh kolmin-nellin häkkizin libo lehmyvazoin. Jogahizen moizen mökkizen tyves  on kävelykohtu žiivatoile, juondu- da syöndymal’l’at. Nygöi Vieljärven souhozas on kuuzi mostu mökkisty, niilöin hindu on lähes 1,2 miljounua rubl’ua.