Kižakohtu on sijoitannuhes Vieljärven da Školan pihan tiešuaral. Idei nostua kižakohtu lapsih niškoi tuli Vieljärven eläjäle, päivykoin kazvattajale, Ilona Dmitrijevale.
– Enzimäi kižakohtu kačottih nostua Alovehellizen Yhteiskunnallizen Ičehalličuksen projektan mugah, ga emmo piässyh sit programmas läbi. Sit kuhkutimmo rahvastu nostamah kižakohtu ičeväil, rahvahale idei rodih mieldy myö. Yhtes Anna Kuzenkon kel algaimmo kerätä den’goi oraskuus, elokuus kižakohtu oli jo valmis, kerdoi Ilona Dmitrijeva.
Kylän eläjät ičeväil tazoitettih kenty, nostettih kodaine dai tuodih hiekkua. Kerättylöil den’goil, kuduat annettihgi paikallizet biznesmiehet da Vieljärven sovhouzu, ostettih sportukompleksu. Kižakotas ymbäri paikallizet eläjät istuttettihgi kukkii.